Бөгелмә педагоглары узган уку елына йомгак ясадылар

Август педагогика конференциясендә Бөгелмә муниципаль районы башлыгы урынбасары Фәнис Мөхәммәтов, «ТР һөнәри компетенцияләрен үстерү үзәге» коммерцияле булмаган автоном оешмасы генераль директоры Эмиль Гобәйдуллин, Россия Эчке эшләр министрлыгының Бөгелмә районы буенча бүлеге башлыгы Айнур Камалов, Бөгелмә муниципаль районы Башкарма комитеты җитәкчесе урынбасары - мәгариф идарәсе башлыгы Валентина Кульбеда, шәһәр һәм районның мәгариф учреждениеләре хезмәткәрләре катнашты.

Район башлыгы урынбасары сүзләренә караганда, Бөгелмә мәгариф системасы – Татарстан Республикасында тармакның танылган лидеры. Бу өлкәдәге төрле үзгәрешләргә карамастан, безнең мәгариф учреждениеләре республикада гына түгел, федераль дәрәҗәдә дә югары позицияләрне саклап кала ала. Бөгелмә муниципаль районы мәгариф системасын үстерү программасы балаларны укыту, тәрбияләү һәм социализацияләүнең заманча сыйфатына һәм нәтиҗәләренә ирешүгә юнәлдерелгән.

2022 елда Бөгелмә районында 10 йөз балллы нәтиҗә – 8 чыгарылыш сыйныф укучысы бар. Ике укучы ике фәннән 100 балл җыйды. 113 Бөгелмә укучысы республика күләмендә җиңүче һәм призер булды. 5 укучы - бөтенроссия олимпиадаларында җиңүчеләр һәм призерлар. 77 укучы Укудагы аерым уңышлары өчен медальләргә лаек булды.