Бөгелмә мөхтәсибәте мәчетләрендә Бөтендөнья «хиҗаб көне»нә багышланган чаралар узды

Бөгелмә мөхтәсибәте мәчетләрендә Бөтендөнья "хиҗаб көне"нә багышланган чаралар узды. Оештыручылар яулык бәйләү буенча мастер-класслар, викториналар, конкурслар үткәрделәр. 

Үзәк мәчеткә Бөгелмә аграр көллиятенең укытучылары һәм студентлары, шулай ук барлык теләүчеләр чакырылган иде.

Анда булган мөселман хатын-кызлары хиҗаб кию кирәклеге турында сөйләделәр һәм шәхси тәҗрибәләре белән уртаклаштылар.