Бөгелмә яшьармиячеләре командасы «Идел буе аҗаганы -2022» уеннарында лаеклы чыгыш ясады

13-17 сентябрьдә Оренбургта «Идел буе аҗаганы -2022» хәрби-спорт уенының округ финалы узды. Ярышларда җиңү өчен Идел буе төбәкләренең 14 командасыннан 224 иң көчле спортчы, шулай ук Донецк һәм Луганск халык республикаларыннан командалар көч сынашты.

Кече Бөгелмә урта мәктәбенең ОБЖ укытучысы Рафаил Абдюков һәм Кадет мәктәбенең ОБЖ укытучысы, «Яшьармия» хәрәкәтенең җирле штабы җитәкчесе Денис Бобров җитәкчелегендәге Бөгелмә яшьармиячеләре командасы Татарстан Республикасы данын яклап ярышларда катнашты. Эчтәлекле программага викториналар, җиңел атлетика, көч әзерләү, йөзү, ату һәм тактик әзерлек буенча ярышлар кергән иде. Яшьармиячеләр шулай ук Оренбургның истәлекле урыннары буенча экскурсиядә дә булдылар.

Гомуми зачетта Татарстан Республикасы командасы 8 нче урынны алды. Катнашучыларның шәхси зачетында Бөгелмәдән Артур Вилданов йөзү буенча ярышларда 2 урынны алды, ә команда зачетында Бөгелмәдән килгән яшьармиячеләр 3 нәтиҗә күрсәтте. Богдан Богданов Калашников автоматын сүтү-җыю буенча 2 урын яулады.