Бөгелмәнең «Ладушки» балалар бакчасы макулатура җыю акциясендә катнашты

Кичә, 2020 елның 10 декабрендә, 20нче «Ладушки» балалар бакчасында, «Файдаланылган кәгазьнең икенче тормышы» экопроекты кысаларында, макулатура җыю буенча «БумБатл» акциясе узды. Акциянең максаты – экология турында кайгырту, әйләнә-тирә мохитне саклау.

Чарада балалар бакчасында тәрбияләнүчеләр дә, аларның әти-әниләре дә катнашты. Барлык катнашучылар да «Мин агачны коткардым!» акциясе девизы язылган жетон алды.

Барлыгы 100дән артык бала һәм аларның әти-әниләре катнашты. 800 килограммнан артык макулатура җыеп алынды.

Кәгазь икенчел чималны иң күп җыйган төркемнәргә истәлекле бүләкләр тапшырылды.

«Бу – безнең өчен яңа юнәлеш, анда катнашып, күбрәк белем туплаячакбыз. Нәниләребезгә, кәгазьне эшкәртүгә тапшырып, һәркем урманнарны саклауга үз өлешен кертә алуын күрсәтү бик мөһим.

Акция балалар бакчасында беренче тапкыр үткәрелүгә карамастан, без әти-әниләргә һәм балаларга рәхмәтле», – дип сөйләде балалар бакчасы мөдире Э. Н. Резванова.

Икенчел чималны чыгаруны «Бөгелмә типографиясе» предприятиесе (директоры – А. В. Сергушев) башкарган.

Алина Александровна Лашкова, тәрбияче

Фото: Ирина Николаевна Поленникова, өлкән тәрбияче.