Бөгелмәнең кече бизнесын маркетплейслар штурмлый

Бүген Бөгелмә районының кече предприятиеләре онлайн-сатуларга күчте. Алар танылган маркетплейсларда теркәлә башлады: Ozon, Wildberries, "Беру!", Goods.ru һ. б.

"Бүген электрон сәүдә – хәзерге заман икътисадының иң тиз үсә торган сегментларының берсе, ул күп очракта нәтиҗәле һәм табышлы бизнес үсешен билгели, кешеләргә кирәкле товарларны һәм хезмәтләрне тиз һәм уңайлы сатып алу өчен яңа мөмкинлекләр ача. Безгә интернет-базарда планлы рәвештә товар әйләнешен үстерү мөһим", - дип билгеләде Линар Закиров.