Бөгелмәнең 13 ишегалдында «Безнең ишегалды» программасы буенча эшләр башланган

2022 елда Бөгелмә муниципаль районында 602 млн. сумга 49 ишегалды ремонтланачак. 2020 һәм 2021 елларда 92 ишегалды территориясендә эшләр башкарылган. Бу хакта район Башкарма комитеты җитәкчесенең инфраструктура үсеше буенча урынбасары Вахит Гарәфетдинов хәбәр итте.

2022 елның маенда Яшьләр сараенда Безнең ишегалды программасы вәкилләре Башкарма комитет, идарәче компанияләр, проектлаучылар, подрядчылар һәм ТКХ департаменты вәкилләре өчен халык белән очрашулар үткәрү буенча семинар-тренинг үткәрделәр.

2022 ел программасы буенча, төзү-монтаж эшләрен башкару өчен, "Жилсервис" ҖЧҖ подрядчысы билгеләнгән. Кече архитектура формаларын китерү белән "Высота" ҖЧҖ шөгыльләнәчәк. Ишегалларын яктырту эшләрен "Энергострой" ҖЧҖ башкара.

Бөгелмәдә, шәһәр тибындагы Карабаш бистәсендә, Прогресс бистәсендә, Наратлы авылындагы ишегалды территорияләрендә төзекләндерү эшләре планлаштырылган.

Беренче чиратта ишегалларын сайладык, анда асфальт катламы тузган яки бөтенләй юк. Шулай ук, эшләрне комплекслы башкару өчен, күп фатирлы йортларга капиталь ремонт ясала торган территорияләргә дә өстенлек бирелде.

Мәсьәләне тизрәк хәл итү өчен «Безнең ишегалды» программасының кайнар линия телефонына 8 (800) 27-5-2020 мөрәҗәгать итәргә мөмкин.