Бөгелмәләр яхшы нәтиҗәләргә иреште

18 июль көнне "Динамо" спорт комплексы базасында "Динамо" балалар фонды бүләгенә авыр атлетика буенча 1999 елгы һәм аннан да кечерәк яшүсмерләр арасында "ТР Динамо физкультура-спорт җәмгыяте" иҗтимагый-дәүләт оешмасы беренчелеге булып узды.

Ярышларда Чаллы, Алабуга, Яшел Үзән, Казан, Бөгелмә шәһәрләреннән 45 кә якын спортчы һәм Башкортстан республикасы, Ульян өлкәсе вәкилләре катнашты. 16 авырлык категориясендә барган беренчелек нәтиҗәләре буенча бөгелмәләр тугыз I урын, ике II урын һәм ике III яулауга иреште.