Бөгелмәлеләр кышкы ралли-спринт чемпионатында

Шушы көннәрдә Татарстанның көньяк-көнчыгышында кышкы ралли-спринт чемпионатының II этабы булып узды.

Алгы привод классында 1 урынны бөгелмәле Артем Тищенко алды, тулы приводлы класста Карабаштан Рамилл Нигмәтҗановка тиңнәр булмады. 3 урынны шушы ук класс буенча Карабаштан Марат Корычбаев яулады.

Шунысын искә төшерик, ралли-спринт - ул катлаулы билгеләнгән трассадан фигуралы һәм кызу тизлек белән маневр ясап йөрүне күздә тота. Ярышларда машина йөртү таныклыгы, автомобиль транспорты, җиңәргә теләге булган һәркем катнаша ала.