Бөгелмәлеләр ГТО фестиваленең суперфиналы призерлары булдылар

Казанда 2018 елда Татарстан Республикасы халкының барлык категорияләре арасында шәхси зачетта «Хезмәткә һәм оборонага әзер» Бөтенроссия физкультура-спорт комплексы фестиваленең суперфиналы узды. Сентябрь аенда Түбән Кама шәһәрендә узган җәйге фестиваль нәтиҗәләре буенча суперфиналга Татарстан Республикасы спорт министрлыгы тарафыннан иң яхшы катнашучылар чакырылган иде.  Бөгелмә шәһәре командасын Подгорный гомуми белем бирү мәктәбе укучылары Кирилл Ткаченко, Радмила Токмачева, 4нче мәктәп укучысы Айрат Фәтхетдинов, 4нче мәктәпнең физик культура укытучысы Ильяс Шәйгарданов тәкъдим итте.

Нәтиҗәдә, Бөгелмә вәкилләре суперфиналның көмеш призерлары булдылар.