Бөгелмәлеләр өчен ашыгыч яңалык: 8-9 сыйныфларда укучы балаларның ата-аналары өчен мәгълүмат

Татарстан Республикасында Яндекс.Лицейга укучылар туплау башлана. Бу – илнең иң эре IT-компанияләренең берсе булган мәктәп укучылары өчен программалаштыру буенча бушлай курслар. Керү өчен 10 сентябрьгә кадәр проектның yandexlyceum.ru сайтында логик фикер йөртә белүгә тест язарга кирәк ә аннары Яндекс.Лицей укытучысы белән әңгәмә узарга кирәк. Яндекс.Лицей безнең шәһәрдә М. Өнҗәл исемендәге лицей-интернат  базасында (Энергетиклар ур., 1а) эшли.

Яндекс.Лицей 8-9 нчы сыйныф укучыларын кабул итә. Уку ике ел дәвам итә. Беренче елны балалар Python – программалаштыруның иң популяр һәм кирәкле телләренең берсе, аны YouTube, NASA, Яндекста кулланалар.

Икенче ел Сәнәгать программалаштыру нигезләренә һәм уку проектлары өстендә эшләүгә багышланган. Уку ахырында укучылар junior-программист күнекмәләре алачак һәм үз чат-ботларын, уеннар һәм веб-кушымталарын булдырырга өйрәнәчәкләр. Дәресләрне тәҗрибәле сертификацияләнгән укытучылар алып бара, алар Яндекста квалификация күтәрү курсларын узган һәм проект командасыннан даими ярдәм ала.

Яндекс.Лицей җитәкчесе Марина Суслова фикеренчә, программа балаларга бик яхшы профессиональ старт бирә. "Уку процессында безнең укучылар программалаштыру өлкәсендә системалы белем алалар һәм бүгенге көндә кирәкле һөнәр турында күзаллыйлар. Балалар үзләрен программалаштыру буенча хакатоннарда гына түгел, ә киләчәк үсеше өчен сайлаячак теләсә кайсы өлкәдә дә ышанычлы хис итәчәкләр», — дип билгеләп үтте ул.

Яндекс.Лицей 2016 елда барлыкка килде һәм быел үзенең юбилеен билгеләп үтә – илнең кайбер төбәкләрендә инде бишенче тапкыр укучылар кабул ителәчәк. Проект «Цифрлы икътисад» АНОга тәкъдим ителде. Татарстан Республикасында ул дәүләт идарәсенең цифрлы үсеше, Мәгълүмати технологияләр һәм элемтә министрлыгы һәм Татарстан Республикасы Мәгариф һәм фән министрлыгы ярдәме белән эшли.

Яндекс.Лицей – Яндексның технологияләр ярдәмендә белем бирү мохитен яхшырту программасы проекты. Үзенең белем бирү инициативасы кысаларында, Яндекс Россиядә технологик белем һәм фәнне хуплый, кешеләргә цифрлы күнекмәләрне үстерергә ярдәм итә, укытучыларның мөмкинлекләрен киңәйтә һәм технологияләрнең уку процессларына уңай тәэсир итү идеясен алга этәрә.

 2020 елдан 2022 елга кадәр Яндекс белем бирү проектларына биш миллиард сумнан артык акча кертергә һәм Россия ІТ-индустриясе өчен 100 мең белгеч әзерләргә ниятли.

6-51-64 (З. З. Хәйретдинов) телефоны буенча мөрәҗәгать итәргә)