Бөгелмәлегә «Татарстан Республикасының атказанган мәдәният хезмәткәре» исеме бирелде

Татарстан Президенты Рөстәм Миңнеханов Татарстан Республикасы дәүләт бүләкләрен тапшырды.

Мәдәният үсешенә зур өлеш кертүе өчен «Татарстан Республикасының атказанган мәдәният хезмәткәре» исеме Бөгелмәдә яшәүче Надежда Дмитриевна Ефимовага бирелде.

"Надежда Дмитриевнага зур хезмәте, Бөгелмә муниципаль районының интеллектуаль потенциалын саклап калырга һәм үстерергә омтылуы өчен зур рәхмәт!",- дип шәрехләде үзенең телеграммасында Бөгелмә районы башлыгы Линар Закиров.