Бөгелмәдә җылылык буенча исәп-хисап ясауга карата шикаятьләрне адреслы тикшерүгә керештеләр
2020 елның декабрь аенда Бөгелмәнең күп фатирлы йортларында яшәүчеләр түләүләр алган, аларда җылылык өчен суммалар ноябрь ае белән чагыштырганда күбрәк булган.
Үсеш уртача 30 процент тәшкил итә.
Шуңа бәйле рәвештә, күп санлы шикаятьләр килә башлады. Бөгелмә муниципаль районы башлыгы йөкләмәсе буенча махсус эшче комиссия төзелде, ул һәр конкрет очракны тикшерә. Эшче төркемгә барлык кызыксынучы структуралар керде.
«Бөгелмә ПТС» ААҖ генераль директоры Азат Хәлимов:
«Бүгенге көндә шактый арткан йортлар сайлап алынды. 19 гыйнвардан фатирларны йөреп чыгабыз. Халык белән эш алып барабыз, гражданнарны кабул итәбез һәм аңлатмалар бирәбез».
Бөгелмә районы башлыгы Линар Закиров һәр мөрәҗәгатьне аерым карарга кирәклеген ассызыклады:
«Һәр мөрәҗәгатькә аерым якын килергә кирәк. Барысына да аңлатма бар. Башка шәһәрләрдә дә исәпләүләр белән дә шундый хәл. Идарәче компанияләр һәм исәп-хисап үзәге белән бергә һәр мөрәҗәгатьне җентекләп эшләп бетерүне сорыйм. Әгәр исәпләү дөрес булса, сәбәпләрен аңлатыгыз».
Следите за самым важным и интересным в Telegram-каналеТатмедиа
