Бөгелмәдә яшәүче Мәхмуров пауэрлифтинг буенча Россия чемпионатында өченче булды.

Бөгелмәдә туып-үскән Илшат Мәхмуров Архангельск шәһәрендә пауэрлифтинг буенча Россия чемпионатының бронза медален яулады. Ул 59 килограммга кадәрге авырлык категориясендә 655,23 очко җыйды.
Узган ел аңа халыкара класслы Россиянең спорт мастеры исеме бирелде.
Татарстаннан икенче спортчысы Марина Гайдученок 52 килограммга кадәрге авырлык категориясендә пьедестал баскычына бер адымда туктап, дүртенче урынны яулады.