Бөгелмәдә яшәүче бер ир-ат касса яныннан шоппинг оештырды

Кибетләрдә урлау кайберәүләр өчен криминаль хоббига әверелгән. Бөгелмә кешесе кибеттән караклык өчен суд каршына басты. Бу хакта шәһәр суды матбугат хезмәте хәбәр итә.

Эшне караганда, суд ир-атның ике көн саен кибеткә килүен һәм үзе белән ошаган әйберне алуын ачыклаган. Беренче урлауда ир автомагнитолны, аннары электр перфораторын, ә аннан соң уен приставкасын урлый. Урланган милекнең гомуми бәясе 25 мең сумнан артып киткән.

Суд утырышында, сорау алу барышында, хөкем ителүче җинаять кылуда гаепне таный, барлык әйберләрнең дә базарда сатылуын, ә акчаны шәхси ихтыяҗларга тотуын аңлата. Эшнең барлык шартларын, хөкем ителүчене характерлаучы барлык мәгълүматларны исәпкә алып, суд аны урлауның өч эпизодын эшләүдә гаепле дип тапкан һәм 1 елга сынау срогы белән 9 айга шартлы рәвештә ирегеннән мәхрүм итү җәзасын билгеләгән.

Моннан тыш, суд карары нигезендә, сынау срогы дәвамында хөкем ителүче үзенең даими яшәү урынын җинаять инспекциясенә белдермичә генә үзгәртергә хокуклы түгел.