Бөгелмәдә яшәүче 32 яшьлек хатын колониягә китә

Бөгелмәдә элек хөкем ителгән 32 яшьлек хатынга карата җинаять эше каралды. Бу хакта Бөгелмә шәһәр прокуроры ярдәмчесе Л.А. Миңнебаев сөйләде.

Гаепләнүченең балигъ булмаган 2 баласына карата ата-ана хокуклары чикләнгән һәм ай саен үз кеременнән акча түләргә тиеш булган. Әмма гаепләнүче балаларга матди ярдәм күрсәтмәгән, эшкә канәгатьләнмәгән. Алиментлар буенча гомуми бурыч 152 мең сумнан артып киткән.

Хөкем ителүче үз гаебен тулысынча таный һәм тәүбә итә.

Суд, алимент түләмәгән ананың элеккеге хөкем ителүен исәпкә алып, аңа колониядә җәза үтәп, 4 айга ирегеннән мәхрүм итү рәвешендә җәза билгеләде.

Хөкем карары законлы көченә кермәгән.