Бөгелмәдә – янгын

18 августта кичке сәгать 7дә Бөгелмәнең Связистлар урамында янгын чыга. Янгын сүндерүчеләр килеп җиткәндә, 8 х 5 метр мәйданлы агач йорт эче төтенгә тулган, ишеге ачык була. Коткаручыларны хуҗа каршы ала. Ул эчтә кеше юклыгын әйтә. Унике минут дигәндә, утны сүндерәләр. Яну урыны 4 квадрат метр тәшкил итә, йорт җиһазларына (карават, диван, шкафка) өлешчә зыян килә. - Янгынның сәбәбе - электр җиһазларын кору һәм файдалану кагыйдәләрен бозу, - дип хәбәр итә Бөгелмә янгын күзәтчелеге бүлеге өлкән инспекторы Илдар Шәйгарданов.