Бөгелмәдә «Шундый һөнәр бар – Ватанны саклау!»

Бөгелмәдә «Шундый һөнәр бар – Ватанны саклау!» дигән Бөтенроссия мәгълүмат-агитация акциясе узды. Аның эшендә Татарстан Республикасы хәрби комиссары Сергей Погодин катнашты. Акциянең максаты – яшьләргә илнең югары хәрби уку йортлары турында мәгълүмат, хәрби белем бирү һәм армиядә хезмәт итүнең өстенлекләре турында җиткерү.

Республиканың баш хәрби комиссары, генерал-майор Сергей Погодинның Бөгелмәгә визиты кадетлар мәктәбеннән башланды.  Аны Бөгелмә муниципаль районы башлыгы Линар Закиров озатып йөрде.

Биредә 2005 елда беренче кадет анты яңгырый. Шул дәвердән алып, кадетлар – шәһәр тормышының аерылгысыз өлеше, акцияләрдә, тантаналы чараларда, парадларда һәм конкурсларда актив катнашучылар. Бөгелмәдә бер генә мөһим вакыйга да кадетлардан башка узмый. Кадет формасын кигән укучылар шәһәрне республика һәм федераль дәрәҗәдә тәкъдим итә, төрле конкурс лауреатлары һәм җиңүчеләре булып торалар. Укучылар мәктәптән үк хәрби хезмәткә әзерләнә, шуңа күрә алар белән кул көрәше, утлы ату, снаряд ату төрләре буенча дәресләр үткәрәләр.

Чараның икенче өлеше Техника йортында дәвам итте, анда югары сыйныф укучылары, мәктәп тәмамлаучылар һәм кадет корпусы курсантлары чакырылган иде.

Иң элек балалар алдында ТР хәрби комиссары Сергей Погодин чыгыш ясады, ул үз үрнәгендә хәрби хезмәт турында сөйләде. Хәрби комиссар шулай ук балаларга гаскәрләр төрләре, заманча техника, кораллар, хәрби экипировка һәм төрле коткару чаралары белән тәэмин ителгән Кораллы Көчләрдә хезмәт итүнең нечкәлекләрен җиткерде. Моннан тыш, яшьләргә илнең югары хәрби уку йортлары турында фильм күрсәтелде.

Тамашачылар алдында Бөгелмә районы башлыгы Линар Закиров чыгыш ясады. Ул билгеләп үткәнчә, Россия Федерациясе Кораллы Көчләрендә хезмәт итү – мактаулы һәм җаваплы миссия, ул һәрвакыт намуслылык, җитлегү, физик, әхлакый чыныгу булган һәм шулай булып кала да. Җитәкче яшь бөгелмәлеләр хәрби хезмәткәрләр булгач, үзләрен белемле Ватанны саклаучылар итеп танытырлар дигән ышаныч белдерде.

Исегезгә төшерәбез, «Шундый һөнәр бар – Ватанны саклау!” акциясе яшьләрне РФ Кораллы Көчләрендәге уңай үзгәрешләр белән таныштыру, хәрби вузларда белем бирүнең өстенлекләре һәм контракт буенча хезмәт итү турында сөйләү өчен үткәрелә.