Бөгелмәдә «Сак булыгыз мошенниклар!» рәсем конкурсына йомгак ясалды

Россия Эчке эшләр министрлыгы Бөгелмә районы бүлегенең Иҗтимагый советы тарафыннан, «Юность» спорт мәктәбе белән берлектә, «Сак булыгыз, мошенниклар!» рәсем конкурсы уздырылды, анда спорт мәктәбе укучылары катнашты. Конкурс үсеп килүче буында шәхси финансларга җаваплы караш формалаштыру, шулай ук алдау ысуллары һәм аларның төрләре турында мәгълүмат тарату максатыннан үткәрелде.

Төсле карандашлар, буяулар һәм фантазияләр ярдәмендә балалар профилактик рәсемнәр ясадылар, шул рәвешле, яшьләр арасында һәм тулаем җәмгыятьтә алдашуны профилактикалау системасында ярдәм күрсәттеләр.

Жюриның барлык әгъзалары да балаларның талантларына сокландылар. Тавыш бирү юлы белән иң яхшы эшләр билгеләнде. Иң яхшы рәсемнәр өчен конкурста җиңүчеләр Россия Эчке эшләр министрлыгы Бөгелмә районы бүлегендә бүләкләр һәм Мактау грамоталары белән бүләкләнделәр. Бүләкләү тантанасыннан соң балаларга бүлек буенча экскурсия уздырдылар, музей һәм кайбер хезмәтләрнең эшен күрсәттеләр.

Чара ахырында инспектор-кинолог Михаил Юдин үз хезмәте турында сөйләде, «хезмәттәш» этен күрсәтте, хайваннарны нинди очракларда куллануларын, булачак белгеч-кинологларны ничек һәм кайда әзерләүләрен, полицейский-этләрнең кирәкле эзне ничек табуларын һәм урында ничек эшләүләрен аңлатты.

Балалар полиция хезмәткәрләренә, «Юность» спорт мәктәбе җитәкчелегенә һәм Эчке эшләр министрлыгы каршындагы Иҗтимагый советка экскурсия өчен рәхмәт белдерделәр һәм алга таба мондый конкурсларда катнашырга вәгъдә бирделәр.

Россия Эчке эшләр министрлыгының Бөгелмә районы бүлеге матбугат хезмәте.