Бөгелмәдә полиция хезмәткәрләренең балалары өчен бәйрәм узды (ФОТОРЕПОРТАЖ)

Россия Эчке эшләр министрлыгының Бөгелмә районы буенча бүлеге җитәкчелеге Иҗтимагый совет вәкилләре белән берлектә полиция хезмәткәрләренең балалары өчен мавыктыргыч чара оештырдылар.

Халыкара балаларны яклау көнендә Россия Эчке эшләр министрлыгының Бөгелмә районы буенча бүлеге хезмәткәрләре үз гаиләләре белән бүлек җитәкчелеге һәм Иҗтимагый совет оештырган бәйрәм чарасында катнаштылар.

Балалар өчен оештыручылар зур программа әзерләделәр. Сәламләү сүзе белән Россия Эчке эшләр министрлыгының Бөгелмә районы буенча бүлеге начальнигы полиция полковнигы Айнур Камалов мөрәҗәгать итте. Ул балаларга вакытны кызыклы һәм файдалы итеп үткәрергә теләде.

Чара башланыр алдыннан бүлек җитәкчесе һәм Иҗтимагый совет вәкиле Наталья Кулагина "Полицейский Степа" конкурсында җиңүчеләрне бүләкләде. Аларга дипломнар һәм канцелярия товарлары кибетенә сертификатлар тапшырылды.

Аннан соң балалар алдында полиция инспекторы – кинологы кече лейтенанты Владислав Ягудин үзенең дүрт аяклы «Челенджер»юлдашы белән күрсәтмә чыгыш ясады. Хезмәт эте кунакларга командаларны һәм үз эшләрен яхшы белүләрен күрсәтте. Малайлар һәм кызлар читтән генә карап калмыйча, полиция этен дә сыйпап, аның белән фотога төшә алдылар.

Аннары полиция хезмәткәрләре балалар белән бергә күңелле стартларда, конкурсларда һәм ярышларда катнаштылар. Спорт бәйрәме күңелле һәм мавыктыргыч булды. "Күңелле старт" та катнашучылар өчен погондагы хезмәттәшләр актив җан аттылар. Полиция хезмәткәрләре һәм җәмәгатьчеләр арасыннан жюри әгъзалары булып җиңүче командалар сайланды, аларга истәлекле бүләкләр тапшырылды. Конкурста катнашучыларны шулай ук татлы призлар белән бүләкләделәр.

Аннары полиция хезмәткәрләре балаларга парк территориясендә торучы кием-салым һәм хезмәт транспортын күрсәттеләр. Шуннан соң чакырылган кунакларга татлы мамык, туңдырма һәм аттракционнарга билетлар тапшырылды.

Мавыктыргыч программа ахырында Россия Эчке эшләр министрлыгының Бөгелмә районы буенча бүлеге Иҗтимагый советы вәкиле Флорис Зыянгәрәев тарафыннан җинаятьчеләрне эзләү бүлеге оперуполномоченные Эвелина Ларинага бирелгән кәрәзле телефон уйнатылды.

Барлык катнашучылар Халыкара балаларны яклау көне уңаеннан полиция җитәкчеләренә һәм Иҗтимагый советка бүләк иткән бәйрәм өчен рәхмәт белдерделәр.

Россия Эчке эшләр министрлыгының Бөгелмә районы буенча бүлеге матбугат хезмәте