Бөгелмәдә мәктәп автобусларының техник торышын тикшерәчәкләр

Яңа уку елы алдыннан Бөгелмәдә Дәүләт автоинспекциясе хезмәткәрләре мәктәп автобусларының техник торышын тикшерә.
Бөгелмә дәүләт автоинспекторлары куркынычсызлык каешларының, тышкы ут приборларының эшкә сәләтлелегенә, тормоз системасының төзеклегенә, тахографларның җиһазландырылуына һәм балаларны ташу куркынычсызлыгына йогынты ясаучы башка параметрларга аерым игътибар бирә.
Транспортны тикшергәндә инспекторлар машина йөртүчеләргә яшь пассажирларны ташу һәм юл хәрәкәте кагыйдәләрен тайпылышсыз үтәүдә җаваплылык турында искә төшерә.