Бөгелмәдә медицина хезмәткәрләрен бүләкләделәр

«Эшлекле дүшәмбе» киңәйтелгән йомгаклау киңәшмәсендә Бөгелмә шәһәре мэры Линар Закиров «Бөгелмә РҮХ» ДАССОның медицина хезмәткәрләренә «Ярдәм янәшә! Помощь рядом!» номинациясендә бүләкләр тапшырды.

Бүләкләрне шәһәр башлыгы кулыннан ашыгыч медицина ярдәме станциясе фельдшеры Ирина Аристова, табиб-пульмонолог Ольга Афанасьева, нурланыш диагностикасы бүлеге мөдире Айдар Әхмәтшин, кичектергесез медицина ярдәме кабинеты фельдшеры Александр Драга, Зеленая Роща фельдшер-акушерлык пункты мөдире Екатерина Барнатович алды.