Бөгелмәдә махсуслаштырылган хезмәт дезинфекция үткәрде.

ТР Бөгелмә районы участок килештерү судьяларының эш кабинетларын, техник бүлмәләрне, архивларны һәм коридорларны дезинфекцияләделәр (гомуми мәйдан – 1 мең квадрат метрдан артык).

Санитар эшкәртүне махсуслаштырылган служба хезмәткәрләре үткәрде. Июньнең беренче көннәрендә шундый ук эшне Бөгелмә шәһәр суды бинасында (3 мең квадрат метр) үткәргәннәр иде.

“Роспотребнадзор” сайтында коронавирус пандемиясе чорында торак биналарны дезинфекцияләү турында да тәкъдим-мәгълүмат урнаштырылган. Алар арасында ишек тоткаларын, сүндергечләрне, өстәлләрне, көнкүреш техникасын һәм башка әйберләрне эшкәртү бар.

Шунысы мөһим: йортта яки фатирда дымлы җыештыру эшләрен, әгәр барысы да сәламәт булса, атнага ике-өч тапкыр көнкүреш химиясе чараларын кулланып үткәрергә кирәк. Йортта авыру кеше булса, дымлы җыештыру эшләрен көн саен башкарырга һәм хлорлы матдәләр белән дезинфекция чараларын кулланырга кирәк.