Бөгелмәдә "Хәтер бакчасы" акциясе кысаларында, чыршы, миләш һәм юкә үсентеләре утырттылар

Бөгелмәдә «Хәтер бакчасы» халыкара акциясе кысаларында, Соколка тавында 400 чыршы, миләш һәм юкә үсентесе утырттылар.

Катнашучылар арасында - муниципалитет вәкилләре, депутатлар, учреждение җитәкчеләре, шәһәр предприятиеләре һәм оешмалары хезмәткәрләре, иҗтимагый оешмалар. Һәр агачка исемле табличкалар беркетелде. Шулай ук Кызыл Армия урамындагы Мәдәният һәм ял паркында – Хәтер мемориалы янында - Бөгелмә урманчылыгы тәкъдим иткән 20 чыршы үсентеләре утыртылды.

Татарстанда «Хәтер бакчасы»н үткәрү барышында барлыгы 1 миллионнан артык агач утырту планлаштырыла. РФ Президенты Владимир Путин бу акцияне мөһим һәм кирәкле инициатива дип атады.

Бөек Җиңүгә, Бөек Ватан сугышы геройларына, тыл хезмәтчәннәренә мәңгелек дан!