Бөгелмәдә “Ислам диненең үз-үзеңә кул салуга карата мөнәсәбәте” дигән темага лекцияләр уздырыла

Узган җомга көнне - 25 мартта Бөгелмә шәһәре һәм районы имам-мөхтәсибе Рамил хәзрәт Хөснетдинов Бөгелмә эчке эшләр бүлегендә әлеге мөһим темага лекция укыды. Лекция вакытында "үз-үзеңә кул салу - ул дини наданлыкның нәтиҗәсе" булып тору мәсьәләсенә аеруча басым ясалды.

Лекция соңында Рамил хәзрәт Хөснетдинов залдан бирелгән сорауларга җавап бирде. Полиция бүлеге начальнигы Ринат Билалов, имамга рәхмәтләрен җиткереп, бүлекнең шәхси составы белән мондый очрашуларны киләчәктә системалы төстә уздырырга кирәклеген ассызыклады, дип хәбәр итәләр Бөгелмә шәһәре һәм районы имам-мөхтәсибәтеннән.