Бөгелмәдә депутат кабул итте

20 август көнне "Единая Россия" Бөтенроссия сәяси партиясе Татарстан региональ бүлегенең Бөгелмә бүлекчәсендә Татарстан Республикасы Дәүләт Советы депутаты Рифнур Сөләйманов гражданнарны кабул итте.

Очрашу вакытында караласы сорауларның темасына алдан ук юнәлеш бирелгән булып, ул торак-коммуналь өлкәсендә бәяләр, күрсәтелә торган хезмәтләр өчен түләү бәяләренең ни дәрәҗәдә тәңгәллеге, тарифлар формалаштыру мәсьәләләренә багышланды.

Рифнур Сөләйманов янына сораулары белән биш кеше килде. Мөрәҗәгатьләрнең барысы да торак-коммуналь хезмәтләренең бәясе, аны исәпләү тәртибенә һәм гомуми йорт ихтыяҗларына тотыла торган чыгым (ОДН) суммасын формалаштыруга кагылышлы иде.