Бөгелмәдә депутат гражданнарны кабул итте

Татарстан Республикасы Дәүләт депутаты Рифнур Сөләйманов үткән атнада Бөгелмәдә чираттагы тапкыр гражданнарны кабул итте. Бу көнне аңа 4 кеше мөрәҗәгать итте. Очрашу вакытында исәпләү приборлары куйган өчен түләү, инвалид балага канында глюкоза дәрәҗәсен мониторинглау өчен сенсор системасы алуда матди ярдәм күрсәтү, капиталь ремонт үткәрү, храмны төзекләндерүдә ярдәм итүгә кагылышлы сораулар яңгырады.

Барлык сораулар да эшкә алынды һәм, аларны ныклап өйрәнгәннән соң, мөрәҗәгать итүчеләргә квалификацияле ярдәм күрсәтеләчәк.