Бөгелмәдә Covid-19га каршы иммунизация дәвам итә

Татарстан Республикасында 2021 елның гыйнварында коронавирус инфекциясенең 2762 яңа очрагы теркәлгән, бу 2020 елның декабренә караганда 6% ка кимрәк.

Авыру тотрыклы дәрәҗәдә саклана һәм февральнең беренче атнасында көн саен уртача 85 очрак теркәлгән. Гыйнвар аенда авыруның һәр өченче очрагы җиңел һәм симптомсыз формада узды, һәр дүртенчесе – хастаханәдән тыш пневмония формасында, авыр очраклар өлеше 3,3% тәшкил итте.

Агымдагы атнада Бөгелмәгә халыкны коронавирус инфекциясеннән вакцинацияләү өчен 500 доза кайтарылачак. 220 бөгелмәле прививка ясаткан инде.