Бөгелмәдә “COVID-19”дан 1 495 кеше прививка ясаткан

Бүгенге көндә 1 495 бөгелмәле коронавирус инфекциясеннән прививка ясаткан. Алар барысы да «Гам-КОВИД-Вак» препараты белән вакцинация узган. Ул дөньяда һәм Россия Федерациясендә теркәлгән беренче коронавирус вакцинасы булып тора. Тикшеренүләрнең соңгы мәгълүматлары буенча, аның нәтиҗәлелеге 91,6% тәшкил итә. Шул ук вакытта 60 яшьтән өлкәнрәкләр төркеме арасындагы күрсәткеч – 91,8%.

Медицина учреждениеләре хезмәткәрләре, мәгариф һәм социаль хезмәт күрсәтү өлкәсендә эшләүчеләр аеруча актив һәм оешкан төстә прививка ясаталар.

Беренче чиратта вакцина алырга тиешле гражданнар категорияләре исемлеге киңәйтелде. Алар – сәламәтлек саклау ветераннары, хроник авырулары булган кешеләр, авыл халкы.

Бөгелмәлеләр прививкага биш ысул белән языла алалар:

1. РФ Дәүләт хезмәтләре бердәм порталы;

2. Татарстан Республикасы дәүләт һәм муниципаль хезмәтләр порталы;

3. Бердәм 122 номеры;

4. КФҮкә мөрәҗәгать итү турында;

5. (85594) 39-0-38 телефоны буенча “Бөгелмә Район үзәк хастаханәсе” дәүләт автоном сәламәтлек саклау оешмасының шәһәр поликлиникасында яки 506нчы кабинетта