Бөгелмәдә авыл хуҗалыгы ярминкәсе узды

Бөгелмәлеләр ит, казылык продукциясе, сөт, сыр, май, йомырка, яшелчә, бал, ашлык һәм башка фермер продукциясен арзан бәяләрдән сатып ала алдылар. Карабаш бистәсе басуларында үстерелгән кәбестәгә сорау зур булды. Үз продукциясен Бөгелмә тегү фабрикасы тәкъдим итте.

"Бердәм Россиянең Яшь Гвардиясе» җирле бүлекчәсе активистлары өлкәннәргә азык-төлек китерүдә булыштылар. Барлык теләүчеләр гриппка каршы прививканы мобиль вакциналаштыру пунктында куя алдылар.

Бөгелмәдә традицион көзге авыл хуҗалыгы ярминкәләре 18 сентябрьдә үз эшен башлап җибәрде һәм атна саен үткәрелә. Алар шәһәрлеләрдә, бигрәк тә өлкән буында, социаль әһәмияткә ия булган зур ихтыяҗга ия.

Узган өч көзге ярминкәдә барлыгы 3 миллион сумлык авыл хуҗалыгы продукциясе сатылды.