Бөгелмәдә алкоголь һәм тәмәке продукциясен законсыз сатуда шикләнелүчеләр тоткарланды

Россия Эчке эшләр министрлыгының Бөгелмә районы буенча бүлегенең Икътисади куркынычсызлык һәм коррупциягә каршы тору бүлеге хезмәткәрләре оператив-эзләү чаралары үткәрү барышында Бөгелмә шәһәрендә яшәүче 62 яшьлек хатынның тиешле лицензиядән башка гына этил спирты һәм алкогольле продукция сату буенча законсыз эшчәнлеген туктатты.

Үткәрелгән чаралар нәтиҗәсендә барлыгы 6 650 литрга якын спиртлы продукция тартып алынды.  Алынган спиртлы продукциянең бәясен бәяләгәннән соң зыян 4 000 000 сумнан артык тәшкил итте.

Алынган алкоголь һәм тәмәке продукциясе үрнәкләре экспертизага җибәрелде, аның нәтиҗәләре буенча процессуаль карар кабул ителәчәк.