Бөгелмәдә 2 меңнән артык кеше үзмәшгуль буларак теркәлгән

Татарстанда 27 ноябрьдән 30 ноябрьгә кадәр 18 яшьтән алып, 65 яшькә кадәрге республика халкы өчен бушлай “Үзмәшгульлек” укыту программасы старт ала. Чыгарылышның иң яхшы биш укучысы 50 мең сум күләмендә стипендия алачак.

Программада катнашучылар үзмәшгульлек мәсьәләләре буенча хокукый консультацияләр, дәүләт ярдәме чаралары, 300 мең сум күләмендә табыш алуга ирешкән үзмәшгуль остазлардан бизнес-кейслар алачаклар.

Бүгенге көндә Татарстанда үзмәшгульлек статусында 94 меңнән артык граждан теркәлгән. Бөгелмәдә исә – 2 019 үзмәшгуль кеше. Шуларның 61е белем бирү программасында катнашырга теләк белдергән.