Бөгелмә Үзәк район хастаханәсендә узган атнаның нәтиҗәләре турында сөйләделәр

Узган атнада (30 ноябрьдән 6 декабрьгә кадәр) Бөгелмәнең ашыгыч ярдәм хезмәте табиблары кешеләрне коткарырга 659 тапкыр чыккан, шул исәптән 78 тапкыр – балалар янына.

302 тапкыр авыруларны кичектергесез ярдәм күрсәтү өчен урынга илтеп куярга туры килгән. Шуларның 47се – бәхетсезлек очраклары аркасында, шул исәптән 8е – балалар катнашында.

1 юл-транспорт һәлакәтендә 7 кеше зыян күргән, шуларның өчесе – балалар. Аларның барысы да Бөгелмә үзәк район хастаханәсенең кабул итү бүлмәсенә китерелгән, 6сы хастаханәгә салынган, шул исәптән – 2 бала.

Иҗтимагый урыннарга ашыгыч медицина ярдәме бригадасы 23 тапкыр чыккан, шуларның берсе – балалар катнашында булган очрак.