Бөгелмә яшь гвардиячеләре спорт белән дус

Һәр елны 7 апрельдә "Бөтендөнья сәламәтлек көне" билгеләп үтелә. Традиция буенча бу көндә төрле спорт чаралары, сәламәтләндерү акцияләре уза. Спорт объектларының эше белән танышуны дәвам иттереп, бу көнне "Яшь гвардия" оешмасы Бөгелмә штабы активистлары "Факел" спорт комплексында булдылар. Биредә "Единая Россия" партиясе җирле бүлеге инициативасы белән ирекле эшчәнлек алып баручы активистлар - җәмәгать эшләрендә актив катнашучы яшьләргә бер сәгать дәвамында бассейнда йөзеп хозурлану мөмкинлеге тудырылды.