Бөгелмә волонтерлары хәйрия акциясе уздырдылар

Бөтенроссия үзара ярдәм күрсәтү акциясенең еллыгын бәйрәм итү уңаеннан һәм «Сугыш хатын-кыз йөзле түгел...» республика социаль-гуманитар проекты кысаларында, 11нче урта мәктәп укучылары, Бөгелмә аграр көллияте иреклеләре, «Яшьләр сарае» яшьләр үзәге белән берлектә, «Сезгә, яратканнарыбыз!» дип исемләнгән хәйрия акциясе уздырдылар.

Волонтерлар, өйләренә барып, хатын-кыз тыл хезмәтчәннәрен бәйрәм белән котладылар, аларга 11нче мәктәп укучылары үз куллары белән ясаган котлау открыткалары, шулай ук бүләк җыелмалары тапшырдылар.

Балалар өчен куркыныч сугыш елларын хәтерләүче, ачлык һәм авыр хезмәтне үз җилкәсендә күтәргән кешеләр белән аралашу бик мөһим булды. Тыл хезмәтчәннәренең тормыш тарихы волонтерларның күңелләрен кузгатты.

Үз чиратларында, хатын-кыз-ветераннар күрсәткән игътибар, котлаулар һәм күңел җылысы өчен чын күңелдән рәхмәт белдерделәр, дип сөйләде «Җиңү волонтерлары» Бөтенроссия иҗтимагый хәрәкәтенең Татарстан төбәк бүлекчәсе Бөгелмә бүлеге матбугат хезмәте хезмәткәре Арина Фомичева.

Арина Фомичева фотолары