Бөгелмә урамнарында яңа светодиодлы яктырткычлар урнаштырыла
2020 елда Бөгелмәдә урам утларыннан файдаланганда энергияне саклауга һәм энергиянең нәтиҗәлелеген арттыруга юнәлдерелгән чараларны тормышка ашыруга керештеләр.
Җәй башыннан шәһәр урамнарында яктырту приборларын – светодиодлы яктырткычларга алыштыру эшләре башкарыла. Барлыгы 6 меңгә якын яктырту приборлары алмаштырылачак. Яктырткычларның 75 проценты инде урнаштырылган. 108 идарә щиты алмаштырылачак. Энергосервис контрактының инвестицион программасы ярдәмендә электр энергиясен елына 2,5 миллион киловатт-сәгатьтән артык экономияләү күздә тотыла.
"Программа масштаблы, катлаулы, беренче категорияле урамнар бүген үк яктырак яктыртыла. Бу финанси яктан шактый чыгымлы эш, әмма 5 елдан соң без экономияне яхшы ук тоя башлаячакбыз", – ди шәһәр мэры Линар Закиров.
Следите за самым важным и интересным в Telegram-каналеТатмедиа
