Бөгелмә тәрбиячесе һөнәри осталык конкурсында иң яхшы исем өчен көрәшәчәк

"Ел тәрбиячесе" республика һөнәри конкурсының зона этабы тәмамланды, анда мәктәпкәчә белем бирү оешмаларының 108 педагогы катнашты. 11-15 мартта Казанда узачак конкурсның финалында зона этабында иң яхшы нәтиҗәләр күрсәткән 20 конкурсант катнашачак.

Республикадан җыелган 20 финалист арасында  - Бөгелмә тәрбиячесе Ксения Слинько. Ул 32-нче номерлы  "Непоседа" балалар бакчасында эшли. Тәрбияченең педагогик стажы 9 ел тәшкил итә.

ТР Мәгариф һәм фән министрлыгының матбугат хезмәте