Бөгелмә территориясеннән кар полигонына 800 кубометр кар чыгарылган

Шәһәр Башкарма комитеты җитәкчесе Михаил Конков юлларны кышкы карап тоту буенча башкарылган эшләр турында мәгълүмат бирде.

Аның сүзләренә караганда, Бөгелмәдә ноябрь аенда 9,6 мм кар рәвешендәге явым-төшем яуган, уртача айлык күрсәткеч 32 мм. Бу норманың 30 процентын тәшкил итә. Декабрь аенда 22,2 мм (норма 41 мм. булганда) бу 54 процент тәшкил итә. Гыйнвар башыннан 9,1 мм яуды – уртача айлык күрсәткеч 34 мм.

«Бөгелмә Сервис» подрядчы оешмасы тарафыннан шәһәрдә юл катламын бозлавыкка каршы материаллар белән профилактик эшкәртү үткәрелә, роторлы кар чистарткычлар ярдәмендә машиналар йөрү өлешен киңәйтәләр, Күпер аркылы чыгу урыннарын, тротуарларны, тукталыш павильоннарын, паркларны һәм скверларны чистарталар. Кышны карап тоту эшләре тәүлек әйләнәсе алып барыла. Җыелган кар кар полигонына чыгарыла. Кышкы чорда 800 кубометр кар чыгарылган», – дип хәбәр итте Михаил Конков.