Бөгелмә театрында яңа спектакль репетицияләренә керештеләр

А.Баталов исемендәге театрда Яңа материал эшләүгә  керештеләр. Киләсе, 88нче сезонда В.Шукшин хикәяләре буенча спектакль премьерасы планлаштырылган. Режиссеры - Эдуард Шахов, М. Лермонтов исемендәге Рус Республика драма театрының баш режиссеры. Ул Дирекция чакыруы буенча килгән.

Бөгелмә актерлары белән режиссер беренче тапкыр эшли. Репетицияләр графигы бик тыгыз. Репетицияләр җәй көне дә узачак.

Спектакльгә Шукшинның 10 хикәясе керәчәк. Алар барысы да юмор белән сугарылган һәм гади авыл кешесенең билгеле бер драмасыннан мәхрүм ителмәгән.