Бөгелмә театры актрисасы «Икенче пландагы иң яхшы хатын-кыз роле» номинациясендә җиңде

Кичә, Халыкара театр көнендә, Аяз Гыйләҗев исемендәге Чаллы татар дәүләт драма театры сәхнәсендә Татарстан Республикасы Мәдәният министрлыгының «Тантана» – 2022 театраль премиясе җиңүчеләре игълан ителде.

Алар арасында А.В. Баталов исемендәге Бөгелмә рус драма театры актрисасы Ләйсән Хәбибуллина да бар. Ул «Икенче пландагы иң яхшы хатын-кыз роле» номинациясендә «Скрипка Ротшильда» спектаклендә Марфа ролен башкарган өчен җиңде.

Премия театр эшлеклеләренә театр сәнгатендәге күренекле иҗади һәм иҗтимагый казанышлары өчен бирелә.