Бөгелмә студентлары бүләкләнүчеләр арасында

Узган атна азагында Идел буе физик культура, спорт һәм туризм буенча дәүләт академияседә "Сез белән түгел, эш белән!" («Не словом, а делом!» ) II Республика эшче яшьләр форумы узды. Чара Россия Федерациясе Президентының «Россия студентларотрядлары көне турында» 2015 елның 21 февралендәге № 86 Указын гамәлгә ашыру йөзеннән һәм яшьләрдә эшче белгечләре белән кызыксыну уяту максатында үткәрелде.

Форум кысаларында Татарстанның хезмәт отрядлары хәрәкәтендә актив катнашучыларны бүләкләделәр. Узган елның җәендә Татарстанның авыл хуҗалыгы предприятиеләрендә һәм Кырым Республикасында «Кырым җиләк-җимеш компаниясе» АҖендә тырышып эшләгән өчен аграр уку йортлары студентларына да бүләкләр тапшырылды. Татарстан Республикасы Авыл хуҗалыгы һәм азык-төлек министрлыгының Рәхмәт хатларын һәм бүләкләрне Татарстан Республикасы авыл хуҗалыгы һәм азык-төлек министрының авылны социаль үстерү буенча урынбасары Марат Җәббаров тапшырды.

Бүләкләнүчеләр арасында - «Казан дәүләт аграр университеты» югары һөнәри белем бирү ФДБМУ студентлары Руслан Лялин, Риназ Хәсәнов һәм Раил Шакиров, «Бөгелмә аграр көллияте» дәүләт аграр һөнәри белем учреждениесе укучылары Богдан Волошин һәм Алмаз Мөкминов, «Чистай күппрофильле көллияте» дәүләт аграр һөнәри белем учреждениесе студенты Константин Тюлькин бар, дип хәбәр ителә Татарстан Республикасы Авыл хуҗалыгы һәм азык-төлек министрлыгы сайтында.