Бөгелмә шәһәре тарихы белән танышу экскурсиясе

«Бергә булдырабыз» проектын тормышка ашыру кысаларында ун социаль хезмәт алучы балалар ата-аналары белән берлектә Туган якны өйрәнү музеенда булдылар.

Экскурсиянең максаты - Бөгелмә шәһәре тарихы белән таныштыру.

Борынгы предметлар һәм экскурсоводның мавыктыргыч сөйләве аша реабилитантлар шәһәр тарихы белән таныштылар. Балалар бик күп яңа һәм кызыклы нәрсәләр белделәр, үзләренә күп кенә яңа ачышлар ясадылар.

Балаларны музейларга йөртү шәхес формалаштыруның бер чарасы булып тора, һәм мәдәниятне, гореф-гадәтләрне саклауга җәлеп итә. Шул ук вакытта белемгә омтылу, эстетик зәвык булдыру , җәмәгать урыннарында үз-үзеңне тоту, мәдәни оешмаларга йорү ихтыяҗларын үтәү кебек мөһим бурычлар хәл ителә .

Ольга Ключникова, тәрбияче