Бөгелмә районындагы трассада такси каршы хәрәкәт юлына чыгып внедорожникка барып бәрелгән

Бөгелмә районындагы трассада, Таллы Бүләк авылы янында, такси каршы хәрәкәт юлына чыгып внедорожникка барып бәрелгән. 

Юл-транспорт һәлакәте кичә кич булган. Ике автомобильгә дә җитди зыян килгән. Бу хакта «Татар-информ» мәгълүмат агентлыгына авария шаһитлары сөйләде.

Авариядә өч кеше: икесе машина йөртүче һәм внедорожник салонында бер пассажир зыян күргән. Ашыгыч ярдәм бригадасы зыян күрүчеләрне якындагы хастаханәгә алып киткән.