Бөгелмә районында коронавирус белән авыруның яңа очрагын расладылар

Татарстанда соңгы 24 сәгать эчендә 58 яңа COVID-19 очрагы теркәлгән, алар арасында – Бөгелмә районында яшәүче бер кеше. Бу хакта ТР Сәламәтлек саклау министрлыгының матбугат хезмәте хәбәр итә.

Узган күрсәткечләр белән чагыштырганда, авырулар саны бер кешегә кимегән. Ведомствода аңлатуларынча, 4 пациент чирне республикадан читтә йоктырган, калганнары инфекцияле авырулар белән элемтәдә булу нәтиҗәсе.

Сигезенчесен алга таба дәвалау өчен медицина учреждениесенә урнаштырырга, ә калган иллесен өй шартларында дәваларга дигән карар кабул ителде.

Яшь төркемнәре буенча:

18 яшькәчә – 1
18 яшьтән 30 яшькәчә – 8
30 яшьтән 50 яшькәчә – 16
50 яшьтән 60 яшькәчә – 11
60 яшьтән 70 яшькәчә – 14
70 яшьтән 80 яшькәчә – 8

80 яшьтән өлкәнрәкләр авыручылар юк.
Шәһәр һәм районнар буенча җыентык:

1. Казан – 34

2. Яр Чаллы – 4

3. Аксубай – 1

4. Арча – 1

5. Әтнә районы – 1

6. Бөгелмә – 1

7. Биектау – 2

8. Яшел Үзән – 2

9. Кама Тамагы – 1

10. Кукмара – 1

11. Лаеш районы – 3

12. Нурлат районы – 4

13. Питрәч – 1

14. Саба – 1

15. Спас районы – 1

Республикада пандемия башланганнан алып, коронавирус белән авыручы 8 874 кеше ачыкланган. Шул вакыттан бирле 78 273 кеше, ә узган тәүлектә 35 кеше терелгән.

9 ноябрь иртәсендә Россиядә тәүлек эчендә коронавирус белән авыруның яңа очраклары саны буенча рекорд куелды, коронавирус белән авыруның 21 798 очрагы теркәлде. Илдә авыручыларның гомуми саны – 1 796 132 кеше, шул исәптән актив очраклар – 430 198.

Исегезгә төшерәбез, “Роспотребнадзор”ның киңәшләрен үтәргә: битлек кияргә һәм социаль дистанцияне үтәргә кирәк.