Бөгелмә районында аномаль эсселек аркасында гадәттән тыш хәл режимы кертелде
Татарстан Хөкүмәте 38 муниципаль районда гадәттән тыш хәл кертү турында боерыкка кул куйды.
30 июньнән Бөгелмә районында аномаль эсселек аркасында гадәттән тыш хәл режимы кертелде.
Татарстан Хөкүмәте 38 муниципаль районда, шул исәптән Бөгелмә районында да гадәттән тыш хәл кертү турында боерыкка кул куйды.
"Республикада һава шартлары, нәтиҗәле яңгырлар булмау авыл хуҗалыгы культураларының уңышын формалаштыруны һәм аны алу мөмкинлеген куркыныч астына куя. Барлыкка килгән вәзгыять турында фикер алышырга һәм килеп туган эссе һаваның тискәре нәтиҗәләрен бетерү һәм республиканың азык-төлек үз-үзен тәэмин итүчәнлеген саклап калу буенча бергәләп чаралар эшләргә кирәк", - дип билгеләп үтте утырышта Татарстан Президенты Рөстәм Миңнеханов.
34 муниципаль районда коры корылык теркәлгән, 18 муниципаль районда туфрак корылыгы теркәлгән, республиканың ике районында атмосфера корылыгы теркәлгән.
Муниципаль дәрәҗәдә гадәттән тыш хәл режимын кертү авыл хуҗалыгы формированиеләренең инвестицион һәм кыска сроклы кредитларын, шулай ук форс-мажор вәзгыяте аркасында башка йөкләмәләрне дәвам итәргә мөмкинлек бирәчәк. Чәчүлекләрне иминиятләштергән хуҗалыкларга үсемлекләрне үстерүгә куркыныч күренешләрнең йогынтысын теркәү өчен иминият компаниясенә үз вакытында мөрәҗәгать итәргә кирәк.
Следите за самым важным и интересным в Telegram-каналеТатмедиа
