Бөгелмә полицейскийлары «Полицейский Степа абый " балалар иҗаты конкурсына йомгак ясадылар»

Россия Эчке эшләр министрлыгының Бөгелмә районы буенча бүлегендә ел саен үткәрелә торган «Полицейский Степа абый»Бөтенроссия балалар иҗаты конкурсына йомгак ясалды.

Конкурста катнашу өчен 6 яшьтән алып 14 яшькә кадәрге балаларның унбиш эше бирелде. Балалар үз эшләнмәләрен ясау өчен текстиль, картон, пенопласт, кәгазь, акварель буяулар һәм пластилин кебек төрле материаллар кулландылар.
Полиция хезмәткәрләре кергән конкурс комиссиясе һәм Иҗтимагый совет әгъзалары иң яхшы эшләрне билгеләделәр. Конкурста Козлова София һәм аның җитәкчесе Гаптрахманова Раушания (18 нче балалар бакчасы), «Кояшкай» татар төркеме (23 нче балалар бакчасы), Шайгарданова Н.Р. (23 нче балалар бакчасы), Желованов Владислав һәм аның укытучысы Гобәйдуллина Илсөяр (5 нче мәктәп) җиңүче булдылар.

Иҗади ярышларда катнашучыларның барысы да грамоталар белән бүләкләнәчәк, ә җиңүчеләрнең эше конкурсның икенче этабында катнашу өчен ТР буенча Эчке эшләр министрлыгына җибәреләчәк.

Россия Эчке эшләр министрлыгының Бөгелмә районы буенча бүлеге матбугат хезмәте