Бугульминская газета

Бөгелмә районы

18+
Рус Тат
Яңалыклар

Бөгелмә муниципаль районы территориясендә янгынга каршы махсус режим гамәлдә булуын дәвам итә

Бу чорда хокук бозулар өчен штрафлар күләме ике тапкыр арта.

Исегезгә төшерәбез, 25 апрельдән 15 майга кадәр учак ягу, көнкүреш калдыклары, коры үлән һәм чүп-чар яндыру, торак пунктларда, бакча ширкәтләрендә һәм балалар лагерьларында ашарга әзерләү тыела.

Шулай ук 1–3 сыйныфтагы пиротехник эшләнмәләреннән файдаланырга, һәм җиңел ялкынсынучы материаллардан эшләнгән әйберләр кулланырга ярамый.

– Быел янгынга каршы режим кертелер алдыннан районыбызда тикшерү узды. Кайбер җитешсезлекләр ачык-ланды. Мәсәлән, 17 ирекле янгын сагы бү-

лекчәсеннән тәүлек әйләнәсе кизү дүр-тесендә генә тора, – дип билгеләп үтте 64нче янгын часте начальнигы Евгений Антонов. – Шулай ук барлык торак пунктларда да кышын су алу мөмкинлеге юк, ә Забугоровка, Сугышлы һәм Базаровка тимер юл разъезды янгынга каршы су чыганаклары белән тәэмин ителмәгән. Районның 11 торак пунктында чыганаклар җитәрлек түгел, икесендә янгын гидрантлары эшкә яраксыз.

Табигать янгыннары аркасында килеп чыккан гадәттән тыш хәлләрне бетерү өчен район территориясендә 22 бүлекчә эшли. Шәхси составның гомуми саны 294 кеше тәшкил итә, 34 берәмлек янгын техникасы әзер тора. Көн саен тәүлек буе кизү торуга 112 хезмәткәр ярдәм итә. Районның барлык торак пунктларына беренче янгын сүндерү бүлекчәләре килү вакыты 20 минуттан артмый.

– Табигый янгыннар килеп чыгу куркынычы югары булган районнардагы территорияләрнең торышын контрольдә тоту өчен космик мониторинг системасы эшли. Ул башлангыч стадиядә табигый янгыннарны ачыкларга мөмкинлек бирә. Шулай ук “Термик нокталар” мобиль кушымтасы да бар, аның ярдәмендә картада яну урынын күреп кенә калмыйча, маршрутны да салырга мөмкин, – дип хәбәр итте Евгений Владимирович.

Янгынга каршы махсус режим шартларында янгын куркынычсызлыгы таләпләрен бозган өчен административ җаваплылык икеләтә артты. Ул РФ Җинаятьләр Кодексының 261нчы (урман утыртмаларын юк итү яки зыян китерү) һәм 168нчы (саксызлык аркасында мөлкәтне юк итү яки зыян китерү) маддәләре кысаларында җинаять җаваплылыгы каралган.

Урман массивлары аерым контрольдә тора. Узган ел янгын куркынычы сезоны вакытында Бөгелмә муниципаль районы территориясендә 36 янгын чыккан. Агымдагы елда бу чорда административ хокук бозулар да ачыкланмады.

– Гадәттән тыш хәлләрне булдырмас өчен, урман янгын станциясе карамагында кирәкле техника һәм җиһазлар, янгынга каршы инвентарь, янгыннарны кисәтү һәм сүндерү чаралары бар. Янгын җиңнәре һәм аларга корсет зажимнары бераз җитми, – дип сөйләде Бөгелмә урманчылыгы директоры Гөлнара Мөхәммәтханова. – Соңгы елларда безнең учреждениенең автопаркы сизелерлек ныгыды. “Экология” милли проекты кысаларында узган ел урман хуҗалыгы урманнарын янгыннардан

саклау һәм районның табигый байлыкларын саклау өчен квадрокоптер һәм кар чанасы алынды.

 

Белешмә

Янгын куркынычсызлыгы таләпләрен бозган өчен административ җаваплылык штрафларны күздә тота:

 гражданнар өчен – 2 меңнән 4 мең сумга кадәр;

 вазыйфаи затлар өчен – 15 меңнән 30 мең сумга кадәр;

 юридик зат оештырмыйча эшмәкәрлек белән шөгыльләнүче затлар өчен – 30 меңнән 40 мең сумга кадәр;

 юридик затлар өчен – 200 меңнән 400 мең сумга кадәр.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса