Бөгелмә мөхтәсибәте шәһәр һәм район мәчетләрендә Туган телне саклау турында плакатлар урнаштырачак

Махсус басылган постерлар туган телне сакларга өнди һәм түбәндәге сорауны үз эченә ала: «Син оныгың белән нинди телдә сөйләшәсең?» («На каком языке ты разговариваешь с внуками?»).

ТР Президенты каршындагы татар телен саклау һәм үстерү комиссиясе рәисе, ТР Дәүләт Советы Рәисе урынбасары Марат Әхмәтов тәкъдиме белән алар республика мәчетләренә җибәрелде.

Плакатлар туган телне саклау һәм халыкның милли-дини үзаңын күтәрү бурычына хезмәт итәчәк.