Бөгелмә мэриясе бинасында наркотикларга каршы комиссиянең чираттагы утырышы узды.
Аның эшчәнлеге, барыннан да элек, халыкның алкогольгә һәм наркотикларга хирыслашуын профилактикалауга юнәлтелгән.
Эчкечелек һәм наркотиклар куллану кешеләрнең тормышы һәм сәламәтлеге өчен генә түгел, ә гомумән, җәмгыять өчен дә куркыныч. Шуңа күрә профилактика һәм кисәтү чараларына аерым игътибар бирелә.
493 кеше наркотик матдәләргә бәйлелек синдромы белән күзәтү астында тора. Агымдагы елның 1 кварталы мәгълүматлары бу. Узган елның шул ук чоры белән чагыштырганда, наркотик матдәләр кулланучы затларның 0,8 процентка артуы күзәтелә. Өстәвенә, авыруларның төп өлеше – 413 кеше – 30дан 49 яшькә кадәргеләр. Шунысы игътибарга лаек, начар гадәтләрдән җәфа чигүчеләрнең күпчелеге – 80 проценттан артыгы – 493 кеше – эшсез гражданнар.
Әлеге статистиканы җирле мэриядә узган наркотикларга каршы комиссия утырышында Бөгелмәнең “Әлмәт наркология диспансеры” үзәге вәкиле ирештерде. Моннан тыш, сүз “Азатлык” тернәкләндерү үзәге эшчәнлеге турында барды, анда алкоголь һәм наркотикларга бәйлелектән интегүче затларны реабилитацияләү һәм социаль адаптацияләү буенча уникаль комплекслы Миннесот программасы кулланыла.
Киңәшмәдә катнашучылар шулай ук хокук саклау органнары вәкиленең балигъ булмаганнарның тәмәке катнашмалары, снюслар, составында кодеин булган препаратлар, шулай ук башка психотроп матдәләр сату предметына сәүдә нокталарын һәм даруханәләрне тикшерү буенча оператив-профилактик чаралар оештыру турындагы докладын тыңладылар.
Следите за самым важным и интересным в Telegram-каналеТатмедиа
