Бөгелмә М. Җәлил урамы буенча урнашкан сулык территориясен төзекләндерүгә 80 млн. сум акча алачак
Татарстан конкурска 12 гариза биргән – проектлар онлайн-тавыш бирү юлы белән сайлап алынган.
Бөгелмәнең М. Җәлил урамы буенча урнашкан үзәк сулык янындагы территорияне төзекләндерүгә 80 млн. сум акча бүлеп биреләчәк. Бу хакта «Реаль вакыт» яза.
Бу – шәһәрнең проектлар конкурсында икенче уңышы. 2018 елда шәһәр «Бөгелмә үзәген активлаштыру» проектын тормышка ашыру өчен 100 млн. сум акча алды.
ТР ГИСУ линиясе буенча Татарстанның кече шәһәрләрендә һәм тарихи җирлекләрендә уңайлы шәһәр тирәлеген булдыру проектларын тормышка ашыру өчен барлыгы 490 миллион сум бүлеп бирелгән.
Акчаларны 2021 елга уңайлы шәһәр тирәлеген булдыру буенча Бөтенроссия иң яхшы проектлар конкурсында җиңгән проектлар алачак – алар барлыгы сигез.
Следите за самым важным и интересным в Telegram-каналеТатмедиа
