Бөгелмә - Евразия кече шәһәрләре өчлегендә

Узган атнада Казанда "Глобаль үсеш өчен җирле карарлар: Евразия интеграциясен каршылап" Евразия җирле власте конгрессы ачылды. Анда Россия һәм якын чит илләрнең 100дән артык шәһәрләре башлыклары катнашты. Махсус әлеге форум өчен Евразия шәһәрләренең халыкара активлыгын күрсәткән беренче рейтинг үткәрелде. Гомуми баскычта абсолют җиңүче булып Астана (Казахстан) шәһәре танылды. Казан шәһәре исә әлеге лидерлар өчлегенә керә алмады.

Эре шәһәрләр арасында пьедесталны Хабаровск, Екатеринбург һәм Түбән Новгород биләде. Урта шәһәрләр өчлегендә - Якутск, Ставрополь һәм Тирасполь. Кече шәһәрләрдә беренче урын Алабугада, икенчедә - Магадан, ә өченче урында - Бөгелмә шәһәре.